Ես հավատում եմ, որ ընդդիմությունը երկրորդ անգամ Հոկտեմբերի 27, Մարտի 1, ամեն բան էլ կկազմակերպի, սակայն այն, որ ջահերով երթը կվերածեին քաղաքական ակցիայի ընդդեմ իշխանության, իմ պատկերացումից դուրս էր:

«Հայկական ժամանակի» հետ զրույցում այսպիսի կարծիք հայտնեց քաղաքագետ Էդվարդ Անտինյանը՝ անդրադառնալով նախօրեին տեղի ունեցած ջահերով երթին և ընդդիմադիրների՝ դրան քաղաքական ենթատեքստ հաղորդելուն:

«Սպասում եմ, որ մարդասպան կլինեն, բայց որ այսքան ապուշ էլ են, չէի սպասում: Ուզում էին ասել, թե 60 հազար մարդ իրենց հետ դուրս է եկել փողոց: Եթե այդ մարդիկ կազմակերպված եկել էին, այսինքն՝ ըմբոստանում են, իսկ այսօր ո՞ւր են, ինչո՞ւ են նրանց այսօրվա ակցիաներին ընդամենը մի քանի հոգի մասնակցում: Նրանք ուղղակի օգտագործեցին ջահերով երթը՝ տպավորություն ստեղծելու համար, թե իրենց կողքին մարդ կա: Ինչպես տեսնում ենք, այսօր դրա 1 տոկոսն անգամ չկա. էժան մանիպուլյացիան չի աշխատում»,- ասում է Անտինյանը:

Քաղաքագետի կարծիքով՝ ընդդիմությունը չի կարողանում իր շուրջը լայն զանգված համախմբվել, քանի որ վստահություն չեն ներշնչում: «Որքան էլ իրենք ամեն հարցում իշխանությանը մեղադրեն, միևնույն է, հանրությունը նրանց չի վստահում»,- նկատում է նա:

Դիտարկմանը՝ ընդդիմությունը կարծես այսօր այնպիսի գործողություններ և քայլեր է իրականացնում, որոնք ժամանակին իրականացնում էր վարչապետ Նիկոլ Փաշինյանը, քաղաքագետը համաձայնում է և նշում՝ միևնույն է, ոչինչ չի հաջողվելու:

«Ասում էին՝ հեղափոխությունը տեխնոլոգիաների արդյունք էր, ոչ թե հանրության ցանկությունը, սակայն այսօր նույն բանն իրենք են անում: Կարծում են՝ եթե 4 տարի առաջ այդպես հաջողվեց, հիմա էլ կհաջողվի: Հենց սա էլ խոսում է նրա մասին, որ իրենք չեն հաջողելու»,- ասում է նա:

Հարցադրմանը՝ 2018 թվականին իշխանությունները անլուրջ էին վերաբերվում այժմյան իշխանության գործողություններին, որոնք այն ժամանակ ընդդիմադիր էին, սակայն տեղի ունեցավ Թավշյա հեղափոխությունը: Տպավորություն է, որ այսօր էլ գործող իշխանությունն է անլուրջ վերաբերվում ներկայիս ընդդիմության գործողություններին, հնարավո՞ր է՝ պատմությունը կրկնվի, Անտինյանը բացասական պատասխան է տալիս:

«Իշխանությունն այսօր պետք է ավելի կոշտ գտնվի, քանի որ այսօրվա ընդդիմությունը ոչնչի առաջ կանգ չի առնի, ընդհուպ՝ մինչև ահաբեկչության կգնա: Ես ո՛չ նախկին իշխանության մաս եմ կազմել, ո՛չ ներկա, սակայն մտահոգվում եմ Հայաստանի Հանրապետության համար: Չեմ ուզում, որ պետությունը պարտվի ահաբեկչությանը: Ադրբեջանը սինխրոն կարող է օգտագործել այն, ինչ կատարվում է մեր երկրում, կարող է ակտիվանալ, որովհետև հնարավոր է՝ ապագայում ավելի շահեկան ժամանակահատված չգտնվի»,- կարծում է քաղաքագետը:

Անդրադառնալով ընդդիմության՝ մարզային քայլերթը Իջևանից սկսելուն, որը ՀՀ վարչապետի ծննդավայրն է, Էդվարդ Անտինյանը նկատում է՝ ինչ էլ ուզում է անեն, նրանք չունեն աջակցություն, առավել ևս՝ մարզերում:

«Կարող են ինչ-որ սիմվոլներ օգտագործել, սակայն մոռանում են, որ Նիկոլ Փաշինյանի գործողությունների կարևորագույն կետը քայլելը չէր, այլ նրա հետ համամիտ էր ՀՀ-ի մեծ մասը: Նրան աջակցում էին մարդիկ, որոնք քաղաքականությամբ չէին զբաղվում, իր թիմակիցները չէին, այլ մարդիկ էին, որոնք պարզապես զզվել էին նախորդ իշխանություններից»,- կարծում է Անտինյանը:

от orakarg

Добавить комментарий

Ваш адрес email не будет опубликован.

ArmenianEnglishFrenchRussian