#Կալանավորվել է «Հայփոստի» հղի աշխատակցուհուն հարվածներ հասցրած անձը․ Տեսանյութ

Հունվարի 10-ին՝ ժամը 16-ի սահմաններում, մի տղամարդ մտել էր մայրաքաղաքի Երվանդ Քոչարի փողոցի «Հայփոստի» բաժանմունք և հայտնել, որ իր անունով արտասահմանից ուղարկված ծանրոցը ցանկանում է ստանալ։
«Հայփոստի» աշխատակցուհին ստուգելուց հետո հայտնել էր, որ նրա անունով ծանրոց չկա, ինչից հետո տղամարդը, կոպիտ կերպով խախտելով հասարակական կարգը, տևական ժամանակ հնչեցրել էր հայհոյանքներ, հարվածներ հասցրել «Հայփոստի» հղի աշխատակցուհուն և կոտրել բաժանմունքի գույքը։

Ներկաներից մեկն ահազանգել էր ոստիկանություն։

Դեպքի վայրում օպերատիվ-քննչական խմբերը պարզել են կատարվածի հանգամանքները։

Խուլիգանության հատկանիշներով հարուցվել է քրեական գործ։ Ոստիկանության Կենտրոնականի բաժնի Մարաշի բաժանմունքի ծառայողները օպերատիվ կերպով ճշտել են տղամարդու ինքնությունն ու ձեռնարկել որոնողական միջոցառումներ՝ նրան հայտնաբերելու ուղղությամբ։

Հունվարի 14-ին Մարաշի ոստիկանները 39-ամյա տղամարդուն հայտնաբերել են ու բերման ենթարկել։ Նա ներկայացվել է դեպքի նախաքննությունը վարող մարմնին, ձերբակալվել, ապա կալանավորվել։

Դեպքի հանգամանքները պարզվում են։

Նախաքննությունը շարունակվում է:

от orakarg

Добавить комментарий

Ваш адрес email не будет опубликован.